යුග පෙරලිය
කාලෙකින් ගමට එනකොට
මටත් වැරදිලා වාගෙයි පාර
වැව ඉහත්තාවෙන් තිබුන
අඩි පාර
තිබුන තැනක් වත් නෑ.
මැදින් සුදු ඉර ඇදල
හරියට මැනල
හතරට බෙදපු කාපට් පාර
කැලෙත් කපගෙන
හුගක් දුර ගිහින්....
පහල වෙල් යායේ..
ගජරාමෙට කොලදින් වැඩ
හරිම පුදුයි ඒත්...
බුලත් විට කාල
මුළු කටම රතු කරගෙන
යායටම ඇහෙන්න කවි කියපු
සියාතු අයිය පේන්න නෑ
මහ ටැක්ටරේකට අමුනපු
යකෙක් වගේ
යන්තරයක් විතරයි අද
මුළු යායටම........
No comments:
Post a Comment